Мэблевы форум і "Галерэя беларускага дызайна"

"Галерэя беларускага дызайна" пачалася з прэс-канферэнцыі, у якой прынялі ўдзел Артур Вакараў (дызайнер-ініцыятар, дызайн-студыя "Адліга"), Вольга Мельгуй (каардынатар праекта), Каця Шэйна (дызайнер-удзельнік, кераміст), Павел Вайніцкі (мастак, арт-крытык, дацэнт кафедры Дызайна архітэктурнага асяроддзя архітэктурнага факультэта БНТУ) і прадстаўнік ВП "Экспафорум".

Удзельнікі прэс-канферэнцыі распавялі журналістам пра свае творчыя праекты. Артур Вакараў на пытанне, чаму дызайнерскія працы ў Беларусі каштуюць досыць дорага, адказаў, што ў сваёй творчасці не ставіць мэты стаць мільянерам - проста выдаткі на матэрыялы немаленькія, і, натуральна, працаваць сабе ў страту ніхто не будзе. Павел Вайніцкі на пытанне, а ці ёсць дызайн у Беларусі, аптымістычна запэўніў, што не ўсё так дрэнна ў нас з дызайнам.