ФОТАПРАЕКТ
Ваша мова:
рус бел
артыкул
16.08.2012 18:58
7-10 жніўня 2012 гады ў горадзе Салігорску прайшоў Чэмпіянат Рэспублікі Беларусь па пажарна-выратавальным спорце
Афіцыйнае адкрыццё спаборніцтваў адбылося 8 жніўня на тэрыторыі Салігорскага РАНС.
на фота: адкрыццё Чэмпіянату на тэрыторыі Салігорскага РАНС
А днём раней беларускія выратавальнікі ўжо спаборнічалі ў дысцыпліне "Пад'ём па штурмавой лесвіцы на 4 паверх вучэбнай вежы". 1 месца заваяваў Дзмітрый Сімак (25 гадоў) з Мінскага абласнога УМНС. 2 месца - у Івана Недведзя (26 гадоў) з Гродзенскага абласнога УМНС. 3 месца - у Сяргея Марцінкевіча (26 гадоў) з Віцебскага абласнога УМНС. Усе пераможцы маюць званне старшага лейтэнанта ўнутранай службы і працуюць начальнікамі змены.
на фота: пад'ём па штурмавой лесвіцы на 4 паверх вучэбнай вежы
У дысцыпліне "Пераадольванне 100-мятровай паласы з перашкодамі" месцы размеркаваліся так: 1 месца - старэйшы лейтэнант ун. службы, інспектар прапаганды Мазырскага ГРАНС Уладзімір Стральчэня, 23 гады; 2 месца - прапаршчык ун. службы, радыётэлефаніст Мінскага ГАНС Мікалай Васільчанка, 28 гадоў; 3 месца - прапаршчык ун. службы, пажарны Лунінецкага РАНС Аляксей Уласюк, 27 гадоў.
на фота: пераадольванне 100-мятровай паласы з перашкодамі
Уладзімір Стральчэня - чэмпіён свету 2008 года ў камандным заліку, срэбны прызёр VI Чэмпіянату свету 2010 года ў дваяборстве, дзейсны рэкардсмен у дысцыпліне "Пераадольванне 100-мятровай паласы з перашкодамі", час - 15,02 с, чэмпіён свету 2011 года, срэбны прызёр у камандным заліку 2011 года, абсалютны рэкардсмен Беларусі ва ўсіх відах спаборніцкіх праграм. Уладзімір - заслужаны майстар спорту Рэспублікі Беларусь.
на фота: Уладзімір Стральчэня
Мікалай Васільчанка - чэмпіён свету 2008 года ў камандным заліку, чэмпіён свету гэтага ж года ў пажарнай эстафеце (дзейсны рэкардсмен), бронзавы прызёр Чэмпіянату свету 2008 і 2010 гадоў у дысцыпліне "Пераадольванне 100-мятровай паласы з перашкодамі", бронзавы прызёр Чэмпіянату свету 2010 года ў камандным заліку, срэбны прызёр Чэмпіянату свету 2011 года.
У дваяборстве ("Пад'ём па штурмавой лесвіцы на 4 паверх вучэбнай вежы" і "Пераадольванне 100-мятровай паласы з перашкодамі") перамогу атрымаў Уладзімір Стральчэня. 2 месца ў Арцёма Прыбыша (22 года) - лейтэнанта ўн. службы, начальніка змены 27-ай ПАВЧ г. Мінска. 3 месца ў Дзмітрыя Сімака.
У дысцыпліне "Пажарная эстафета 4х100 метраў" лепшымі апынуліся каманды з Гомельскай вобласці (1 месца), Гродзенскай вобласці (2 месца) і Мінскай вобласці (3 месца).
на фота: пажарная эстафета 4х100 метраў
У баявым разгортванні ад мотапомпы самымі моцнымі апынуліся хлопцы з Мінскага гарадскога УМНС. На другім месцы - каманда Гомельскага абласнога УМНС. 3 месца - Брэсцкае абласное УМНС.
на фота: баявое разгортванне ад мотапомпы
У выніковым заліку "золата" атрымала каманда з горада Мінска, "срэбра" - у каманды Мінскай вобласці, "бронза" - у выратавальнікаў Гомельскай вобласці.
на фота: каманда Мінскага гарадскога УМНС
на фота: каманда Мінскага гарадскога УМНС на пастраенні ў гонар узнагароджання і урачыстага закрыцця спаборніцтваў
Па традыцыі, трэнера каманды, якая атрымала перамогу, пагрузілі ў чан з вадой:)
Пажарна-выратавальны спорт з'явіўся ў 1937 годзе ў СССР. У 1963 годзе ён быў уключаны ў Адзіную ўсесаюзную спартыўную класіфікацыю.
У наш час у Міжнародную спартыўную федэрацыю пажарных уваходзіць 20 краін свету, сярод якіх ёсць Беларусь, Расія, Украіна, Германія, Чэхія, Іран, Карэя, Турцыя і інш.
Характэрна, што ў свеце спаборнічаюць і жаночыя каманды па пажарна-выратавальным спорце. Нажаль, у нашай краіне прадстаўніц чароўнага полу ў гэтым відзе спорту пакуль няма...
OLE.BY©2011-2019
аўтар усіх фатаграфій - Раман Леановіч
усе правы абаронены | парадак выкарыстання матэрыялаў сайта
кантакты | web@ole.by |