Адкрыццё Belarus Fashion Week сезону вясна-лета 2012

Сёння адбылася афіцыйная прэс-канферэнцыя адкрыцця Belarus Fashion Week. У ёй прынялі ўдзел: Яніна Ганчарова - кіраўнік Belarus Fashion Week, Клім Андрэеў - камерцыйны дырэктар Belarus Fashion Week, беларускія дызайнеры - Людміла Тараканава і Іван Айплатаў, грузінскія дызайнеры - Ціна Магалашвілі і Мадонна.

На фота: злева направа - дызайнер Ціна Магалашвілі, дызайнер Людміла Тараканава (у цэнтры) і кіраўнік Belarus Fashion Week Яніна Ганчарова

На фота: дызайнер Іван Айплатаў

На фота: камерцыйны дырэктар Belarus Fashion Week Клім Андрэеў

На фота: дызайнеры з Грузіі - Ціна Магалашвілі і Мадонна

Нягледзячы на складаную эканамічную сітуацыю, арганізатарамі BFW было зроблена ўсё магчымае, каб 3-ці Тыдзень моды адбыўся. Гэта важная прафесійная падзея, у якой зацікаўлены дызайнеры і ўсе творчыя людзі, якія працуюць у індустрыі моды. На гэтым Тыдні моды будуць прадстаўлены калекцыі дызайнераў з Беларусі, Украіны, Расіі, Грузіі, Турцыі і Нігерыі.

І калі раней на модныя паказы можна было патрапіць толькі па запрашальных, дык зараз усё жадаючыя змогуць набыць квіткі.

Упершыню ў Мінску сваю калекцыю пакажа вядомы беларускі дызайнер Іван Айплатаў, які вельмі патрыятычна абраў BFW. Раней ён аддаваў перавагу ўдзелу ў маскоўскіх Тыднях моды (па тэрмінах правядзення яны практычна супадаюць).

Калекцыя "Незнаёмцы" Людмілы Тараканавай будзе некаторым працягам яе зімовай калекцыі "Спадарожнікі", і дызайнер спадзяецца, што мы зможам разгледзець вобразы паэтаў, музыкаў, мастакоў, рэжысёраў, аператараў...

Шмат цікавага абяцае "Страчаны рай" грузінскага дызайнерскага дуэта.

Пройдуць паказы калекцый BOITSIK, Efremova&Harydovets, Tanya Arzhanova, O.Jen, Fur Garden, LUDMILA LABKOVA, ULIA LATUSHKINA, DAVIDOVA, KUCHERENKO, Natasha Tsuran, Tinatina Magalashvili, Reptilia, Lilia Dzundza, Alesya Koprovskaya, Дом Моды Shoes-Cafe "MADONNA", KHOLYNS CONTEMPORARY COUTURE.

Новы праект Тыдня моды - конкурс маладых дызайнераў "New Names BFW". Прыз для пераможцы - стварэнне камерцыйнай калекцыі для швейнага прадпрыемства і магчымасць прадставіць яе на наступнай BFW.

Традыцыйна пройдуць дабрачынныя паказы дызайнера дзіцячай адзежы Юлі NEFERTARI і сеткі крам дзіцячай адзежы "Аранжавы Вярблюд".

Вольга Леановіч (пераклад на беларускую мову - Раман Леановіч)