Фінал конкурсу прыгажосці "Міс Мінск-2011"

Фінал "Міс Мінск-2011" прайшоў 9 верасня 2011 года ў сталічным Палацы спорту. Ульяна Валахоўская стала чацвёртым пераможцам гарадскога конкурсу прыгажосці

Беларуска-польскі фестываль праектнай графікі "Дызайн дыялогу"

Падрастаючае пакаленне на Кастрычніцкай плошчы

Фінал конкурсу "Міс Мінск-2011" адбыўся на дзень пазней ад запланаванай даты. Перанос звязаны з трагічнай падзеяй - авіякатастрофай, у якой загінула каманда хакеістаў яраслаўскага "Лакаматыва".

9 верасня 2011 года ў Сусветны дзень прыгажосці ў Палацы спорту 28 мінчанак змагаліся за права звацца "Міс Мінск-2011".

Прыгажосць ацэньвалі: народны артыст Беларусі Анатоль Ярмоленка (старшыня журы), дызайнер Іван Айплатаў, "Міс Мінск-2009" Марыя Кубракова, заслужаная артыстка Беларусі Іна Афанасьева, кіраўнік Нацыянальнай школы прыгажосці Сяргей Палішчук, фотамастак Міхась Маруга, генеральны дырэктар ААТ "Гомельскае ВА "Крышталь" Руслан Саракавы, галоўны рэдактар "Жаночага часопіса" Аксана Бяляўская, старшыня ўпраўлення ЗАТ "Трастбанк" Юрый Каштанаў, намеснік старшыні Мінскага гарвыканкама Ігар Карпенка і генеральны дырэктар ЗАТ "Сталічнае тэлебачанне" Юрый Казіятка.

Пераможца конкурсу - 18-гадовая студэнтка Міжнароднага дзяржаўнага экалагічнага ўніверсітэта імя А.Дз.Сахарава (факультэт: экалагічнай медыцыны, спецыяльнасць: медыцынская экалогія) Ульяна Валахоўская. Яна атрымала галоўны прыз — каштоўную дыядэму з белага золата з дыяментамі, тапазамі і жэмчугам.

Першая віцэ-міс - 19-гадовая студэнтка Беларускага дзяржаўнага ўніверсітэта культуры і мастацтваў (факультэт: культуралогіі і сацыяльна-культурнай дзейнасці, спецыяльнасць: культуролаг-менеджэр) Аксана Саўко, другая віцэ-міс - Маліка Джумаева (22 гады, бухгалтар рэкламнага агенцтва).

У намінацыі "Міс Фота" перамогу атрымала 24-гадовая студэнтка Беларускага дзяржаўнага ўніверсітэта (філалагічны факультэт, спецыяльнасць: філолаг, выкладчык, перакладчык) Кацярына Антонава, "Міс спорт" - Аляксандра Сокал (19 гадоў, вучыцца ў Беларускім дзяржаўным універсітэце фізічнай культуры на факультэце "спартыўныя гульні і адзінаборствы" па спецыяльнасці "спартыўна-педагагічная дзейнасць"), "Міс Сяброўства" (выбіралі самі ўдзельніцы конкурсу) - Вольга Канановіч (21 год, вучыцца ў Беларускім дзяржаўным педагагічным універсітэце імя Максіма Танка на факультэце адмысловай адукацыі - тыфлапедагогіка па спецыяльнасці "дашкольная адукацыя"), "Міс глядацкіх сімпатый" і "Міс Прэса" - Таццяна Давыдзенка (23 гады, фатограф).