Падрастаючае пакаленне на Кастрычніцкай плошчы

У рамках Агульнанацыянальнага педагагічнага савета на Кастрычніцкай плошчы Мінска разгарнулася выстава-прэзентацыя сучасных кірункаў дзейнасці ўстаноў дадатковай адукацыі дзяцей і моладзі Беларусі.

Арганізатарамі мерапрыемства выступілі Рэспубліканскі цэнтр тэхнічнай творчасці, Мінскі дзяржаўны палац дзяцей і моладзі і навучальна-метадычная ўстанова "Мінскі абласны навучальна-метадычны кабінет".

Немалую частку экспазіцыі займала прапаганда здаровага ладу жыцця юнага пакалення. Разам з традыцыйнымі відамі спорту быў прадстаўлены і незвычайны - карфбол (разнастайнасць баскетбола).

На фота: моладзевы карфбол

Сапраўдны азарт і запал паказалі юныя футбалісткі!

На фота: вось такі ён, жаночы футбол!

Экспазіцыя "Тэхнаград" была прадстаўлена тэматычнымі блокамі: судамадэльны спорт, аўтамадэльны спорт, аўтамотаспорт і выстава "Будзь у ЭпіЦЭНТРы тэхнічнай творчасці".

На Кастрычніцкай плошчы быў усталяваны адмысловы басейн, у якім велічна праплывалі мініяцюрныя яхты, фрэгаты, авіяносцы і лінкоры.

На фота: выезд квадрацыкла ў рамках экспазіцыі "Тэхнаград"

Сапраўдныя модныя дэфіле ў выкананні юных прыгажунь і пастаноўкі пад адкрытым небам змаглі ўбачыць гледачы выставы-прэзентацыі.

Шкада, што на выставе не было шматлюдна (зразумелая справа, панядзелак, час - з 10 да 16 гадзін, у большасці людзей працоўны час )... Менавіта тут можна было ўбачыць шмат пазітыўных і шчырых дзіцячых эмоцый.

На фота: наведвальнікі выставы. Ну вельмі прасілі сфатаграфавацца...:)