Эпатажны Андрэй Барценеў у Мінску

Андрэй Барценеў вядомы як мастак, графік, скульптар, дызайнер, мадэльер.

На прэс-канферэнцыі, якая адбылася 12.04.2011 у мінскім гасцінічным комплексе "Victoria", ён прызнаўся, што, як правіла, не апранае адзін і той жа ўбор больш трох разоў. Але ўсё ж ёсць любімыяыя рэчы, з якімі Андрэй падоўгу не растаецца. На пытанне, дзе ён купляе адзежу, Андрэй распавёў, што некаторыя вядомыя дызайнеры проста дораць яму экстравагантную адзежу па прычыне таго, што мала хто вырашыцца яе апрануць і з явіцца на публіцы. Абутак ён набывае ў Нью-Ёрку, матывуючы гэта тым, што такі шырокі выбар ёсць толькі ў гэтым горадзе. А яшчэ пажартаваў, што даводзіцца купляць адзежу сваіх студэнтаў з Нарвегіі - многа хто з іх ужо працуе на вядомыя модныя брэнды.

Наогул, Андрэй прызнаўся, што ён чалавек добры і талерантны ў адносінах да любой творчасці і заклікаў усіх прытрымлівацца яго прыкладу і шанаваць творчых людзей хоць бы за тое, што яны прыклалі нейкі высілак дзеля стварэння свайго твора.